د ننګرهار وادي کرنیز شرکت سره د عصري ماشینونو او توکو مرسته وشوه

qiam_amin
پنجشنبه ۱۴۰۰/۵/۲۱ - ۱۲:۲۲
د ننګرهار وادي کرنیز شرکت سره د عصري ماشینونو او توکو مرسته وشوه

۲۱ زمری ۱۴۰۰
د ننګرهار کانال د زېرمو د بیارغونې پروژه  (NVDA) د ننګرها وادي کرنیز شرکت سره د یوشمېر عصري کرنیزو ماشینونو او توکو مرسته وکړه.
په دغو توکو کې  پنځه عرادې د اوبو سيار واټر پمپونه، دوه عرادې ډمټرکونه، يو عراده سکواټور، يو عراده رولر او يو عراده لوډر شامل دي. یاد ماشینونه به د عمومي کانال د پاکولو، د ځمکې د هموارولو، د موادو د انتقالولو، لوړو ساحو ته د اوبو د پورته کولو، کندن کاري او د ځمکو د سختولو په برخو کې وکارول شي. 
د ننګرهار وادي کرنیز شرکت رییس، محمد بصیر حقیار په دې اړه وویل «دا عصري ماشینونه د کانال د پرمختګ او موثریت لپاره خورا اړین دي. په ځانګړي توګه کله چې کانال د سېلابونو او نورو طبیعي ستونځو سره مخ کیږي نو د کانال د پاکولو او بېلابېلو برخو د ترمیم لپاره مونږ په کافي اندازه ماشین آلات نه درلودل او ددې ماشینونو په ترلاسه کولو سره به دا ستونزې هوارې او د کانال چارې به په لا ښه توګه ترسره شي.»
د چارواکو په خبره تر دې وړاندې د ننګرهار عمومي کانال په بېلابېلو برخو کې عصري ماشین آلات نه درلودل او د کانال د پاکولو، په ځینو ساحو کې د ځمکې کېندلو او همدارنګه نورو برخو کې له عادي لارو چارو کار اخیستل کېده خو د یادو ماشینونو په سپارلو سره با دا چارې لا ګړندۍ او په ښه توګه تر سره شي.
د ننګرهار کانال د زېرمو د بیارغونې پروژه (NVDA) د اسیایي پراختیا یي بانک «ADB» له خوا تمویلیږي او د ننګرهار او بلخ په ولایتونو کې د اوبو د سیستم د ارتقا او بیا رغونې له لارې د اوبو د سرچینو د مدیریت په برخه کې کار کوي. یاده پروژه د ننګرهار عمومي کانال او سیفونونو د بیا رغولو، د اوبو لګولو د دویمې او درېیمې درجې کانالونو د رغولو، د ننداریزو کروندو د جوړولو او د بزګرانو لپاره د روزنیزو پروګرامونو دایرولو په برخه کې خورا زیات اغیزمن فعالیتونه ترسره کړي دي.

تازه ترین اخبار

پنجشنبه ۱۴۰۳/۱/۹ - ۱۳:۳۴
Background image

هلمند کې د پستې نیالګیو تولید په پارهڅې، د پستې زرګونه نیالګي تولیدېږي

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د هلمند ولایت د کرنې، اوبولګولو او مالدارۍ ریاست لخوا، د طبیعي سرچینو آمریت اړوند د مرکز لښکرګاه د بولان د نیالګیو روزنځای کې د پستې   پنځه. . .

پنجشنبه ۱۴۰۳/۱/۹ - ۱۳:۲
Background image

ننګرهار کې  ۷۲ زره څارویو ته د چنجیو ضد درمل  او واکسینونو د تطبیق چارې پیل شوې 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې له لورې د ننګرهار ولایت په ۱۳ ولسوالیو کې څارویو ته د. . .

پنجشنبه ۱۴۰۳/۱/۹ - ۱۳:۱
Background image

ننګرهار کې پر زرګونو مالدارانو د څارویو خوراکي توکي وېشل کېږي 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار دکرنې، اوبولګولو او مالدارۍ رییس مولوی عبدالستار محمد د اکشن اېډ مؤسسې او هلال هډ،ا کرنیز شرکت چارواکو سره په کتنه کې د یادو. . .

بازگشت