د ننګرهار د زیتونو فابریکې څخه د کرنې سرپرست وزیر لیدنه
۲۸ لړم ۱۴۰۰ هـ.ش
۱۳ ربیع الثانني۱۴۴۳ هـ.ق
دکرنې، اوبولګولو او مالدارۍ وزارت سرپرست وزیر مولوی عبدالرحمن راشد او د یاد وزارت د اوبولګولو او طبیعي سرچینو مرستیال مولوی شمس الدین شریعتي ننګرهار ولایت د سفر په ترڅ کې د ننګرهار د زیتونو (وښون) فابریکې څخه لیدنه وکړه.
ددې لیدنې په ترڅ کې په ننګرهار کې د زیتونو فابریکې کارکوونکو د خپلو فعالیتونو او ستونزو په هکله راپور وړاندې کړل او په ننګرهار کې د زیتونو د تولید او پروسس په برخه کې دکرنې وزارت د مشرتابه د لازیاتې پاملرنې غوښتونکي شول.
د ننګرهار د زیتونو فابریکه په هېواد کې د زیتونو له لومړنیو کارخونو څخه دی، چې په تېرو څولسیزو کې یې ارزښتناک فعالیتونه ترسره کړي دي.
د یادې فابریکې سږني تولیدان لس ټنه اچار، ۲۱۰ ټنه تور زیتون او ۱۸ زره او ۴۲۰ لیټره د زیتونو تېل دي.
