د ننګرهار دکانال ریاست: د هرزه ګياو د کنټرول په موخه لومړنۍ دواشيندنه ترسره شوه
د ننګرهار کانال ریاست چارواکي وایي، چې د هډې فارم کې په کښت شوي ۲۰۰جريبه ځمکې د غنمو په اصلاح شوو تخمونو لومړنۍ دوا شيندنه ترسره شوه .
د هرزه ګياوو کنټرول په موخه دا دوا شيندنه د هډې فارم امريت مسوولينو او د کرنې رياست د تخمونو د تصديق ورکوونې امر غافرالله کاڼوال تر نظارت لاندې ترسره شوه .
دننګرهار کانال رياست او د هلال هډه وال کرنيز شرکت ترمنځ د شوي پرتوکول له مخې د کانال ادارې په 400جريبه ځمکه (لومړي او درېيم فارم )کې د غنمو اصلاح شوي تخمونه کرل شوي .
د هلال هډه وال کرنیز شرکت یو تن مسوول ډاکتر غفار لودین پدې وويل: «ددوي شرکت ته چې کومه ځمکه دغنمو اصلاح شوي تخمونو د کرنې لپاره ورکول شوى اوس پرې اصلاح شوي د غنموتخمونه کښت شوى ، چې له برکته به يې د ننګرهار کانال رياست مالدارۍ امريت شته غواګانو ته به د بوسو ، ټانټو او خوراك برخه ورسره پوره شي، ځمکه به يې سمباله شي ، اصلاح شوي تخمونه به ترې ترلاسه شي ».
