د میدان وردګو چک کې بزګرانو ته اصلاح شوي تخمونه او کیمیاوي سرې ووېشل شوې
۲۵ مرغومې ۱۴۰۳ھ.ش
۱۴ رَجَب المُرَجَّب ۱۴۴۶ه.ق
د میدان وردګو ولایت په چک ولسوالۍ کې د کرنیزو خدمتونو لوی مدیریت تر چتر لاندې، د سټارز مؤسسې د کارمندانو په همکارۍ او د خوراک او کرنې نړیوال سازمان په مالي ملاتړ بزګرانو ته د اصلاح شوي تخمونو او کیمیاوي سرو ۴۰۶ ونډې ووېشل شوې.
په دې وېش کې هر بزګر ته ۵۰ کیلوګرامه اصلاح شوي تخمونه، ۵۰ کیلوګرامه سپینه سره او ۵۰ کیلوګرامه توره سره ورکړل شوه. بزګرانو د دې مرستو ترلاسه کولو پر مهال زیاته خوښي څرګنده کړه او له مسؤلینو څخه یې مننه وکړه.
