د لوګر محمدآغې کې د څاڅکي اوبوخور په سیسټم سمبال د بادامو بڼ جوړ شوی
د لوګر دکرنې، اوبولګولو او مالدارۍ ریاست وایي، چې ددې ولایت د محمدآغې په ولسوالی کې د بادامو پنځه جریبه بڼ ته دڅاڅکي اوبوخور سیسټم جوړ شوی دی.
د لوګر دکرنې ادارې چارواکي وایي، چې په دې ولایت کې د څاڅکي اوبوخور سیسټم ډېر ګټور دی، ځکه په دې ولایت کې ډېر اوبه شتون نه لري، په کرنه او بڼوالۍ کې د اوبو مدیریت د کرکیلې او بڼوالۍ کې د حاصلاتو د زیاتوالي لامل کېږي.
باید وویل شي، چې دکرنې، اوبولګولو او مالدارۍ وزارت د «کرنیزو محصولاتو د بازراموندنې» پرورګرام (AMP) په همکارۍ د لوګر ولایت د محمدآغې ولسوالی کې د څاڅکي په سیسټم سمبال ۳۵ جریبه نور بڼونه هم جوړ شودي دي.
لوګر یو حاصل خېز ولایت دی، چې د بڼوالۍ ترڅنګ په کې د پیاز، کچالو، رومي بانجان او توربانجانو کرکېله کېږي.
