د غزني خوګیانو ولسوالی کې پر یوشمېر کروندګرو او بڼوالو کرنیز توکي ووېشل شول
۱۳ کب ۱۴۰۴ه.ش
۱۵ رَمَضانُ المُبارَک ۱۴۴۷ه.ق
د غزني دکرنې، اوبولګولو او مالدارۍ ریاست د «ټيالاو» مؤسسې په همکارۍ ددې ولایت د خوګیانو په ولسوالی کې پر یوشمېر کروندګرو او بڼوالو ۱۹ قلمه کرنیز توکي ووېشل شول.
دغه پروګرام د کروندګرو او بڼوالو د ملاتړ، د کرنې سکتور د پیاوړتیا، د حاصلاتو د زیاتوالي او د بزګرانو د اقتصادي وضعیت د ښه والي په موخه عملي شوی دی. وېشل شوي وسایل د کرنې او بڼوالۍ اړوند مهم تجهیزات دي، چې د کرنیزو چارو په اسانتیا، د کار د چټکتیا او د تولید د کیفیت په لوړوالي کې مهم رول لري.
د غزني د کرنې، اوبو لګولو او مالدارۍ ریاست چارواکو د وېش بهیر د څارنې پر مهال ټینګار وکړ چې دا ډول پروګرامونه به د کرنې سکتور د ودې او پراختیا لپاره دوام ومومي، څو بزګران وکولای شي له عصري وسایلو څخه په ګټې اخیستنې سره خپلې حاصلاتي کچې لوړې او اقتصادي حالت یې لا پیاوړی شي.
