د روزګان مرکز ترينکوټ کې یوشمېر قصابۍ وڅارل شوې
د روزګان ولایت د کرنې، اوبولګولو او مالدارۍ ریاست اړوند د مالدارۍ خدمتونو او څارويو روغتيا امریت مسلکي کارکوونکو لخوا ددې ولایت مرکز ترينکوټ ښار کې له یو شمېر قصابیو څخه څارنه او ارزونه ترسره شوه.
د دغې څارنې او ارزونې موخه د خرابو او غیر صحي غوښو د پلور مخنیوی او هم دارنګه ددې ترڅنګ يې ونوموړو قصابانو ته د زونوزتب کانګو ناروغۍ څخه د ژغورنې تدابير نيولو په اړه معلومات ورکړل ځکه قصابان روزمره ورسره مخ وي او اړونده قصابانو ته په مناسبه ځآی کې د څارویو د حلالولو توصیه ده.
ددې څارنې په ترڅ کې د روزګان دکرنې ادارې مسلکي کارکوونکو لخوا د قصابیو اړوندو هټیوالو ته لازمې سپارښتنې هم وشوې.
