د خوست صبریو او یعقوبیو ولسوالی کې پر سلګونو بزګرانو د اصلاح شویو غنمو تخمونه وېشل کېږي

mail-admin
چهارشنبه ۱۴۰۵/۷/۱ - ۱۴:۳۰

۱ تله ۱۴۰۵ هـ.ش 
۱۰ رَبِیعُ الْثاني ۱۴۴۸ هـ.ق
د خوست ولایت د کرنې، اوبولګولو او مالدارۍ ریاست په چوکاټ کې، د ملګرو ملتونو د خوړو او کرنې ادارې «اف‌اې‌او» په مالي ملاتړ او د «اوآرډي» مؤسسې په همکارۍ، د خوست د صبریو او یعقوبیو ولسوالی کې د ۵۰۰ بزګرانو لپاره د اصلاح شویو غنمو تخمونو د وېش په موخه د بزګرانو د سروې او تثبیت بهیر په منظم ډول روان دی.
د مسؤلینو په وینا، د سروې او مستحقو بزګرانو د تثبیت له بشپړېدو وروسته به هر مستحق بزګر ته ۵۰ کیلوګرامه اصلاح شوي د غنمو تخمونه ووېشل شي. د معلوماتو له مخې، د هر بزګر څخه به د ۵۰ کیلوګرامه اصلاح شویو غنمو تخمونو په بدل کې ۸۰۰ افغانۍ اخیستل کېږي.
مسؤلین وایي، د دې پروسې موخه د مستحقو بزګرانو پېژندنه او هغوی ته د اصلاح شویو تخمونو رسول دي، څو د غنمو د تولید د زیاتوالي او د کروندګرو د حاصلاتو د ښه والي لپاره زمینه برابره شي.
د اصلاح شویو او معیاري تخمونو وېش د کرنیزو حاصلاتو د لوړولو، د غنمو د تولید د کیفیت د ښه والي او د بزګرانو د ملاتړ له مهمو لارو څخه دی. د اصلاح شویو تخمونو کارول د اقلیمي شرایطو په پام کې نیولو سره د حاصلاتو د زیاتوالي او د کرنیز تولید د پیاوړتیا په برخه کې مهم رول لري.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت