دکرنې وزارت او د ټرانسپورټ او هوایي چلند وزارت ترمنځ د ځمکې د لېږد تړون لاسلیک شو

دکرنې، اوبولګولو او مالدارۍ وزارت د ځمکو چارو ریاست او ټرانسپورټ او هوایي چلند وزارت ترمنځ؛ د۹۱۴ جریبه ځمکې د لېږد تړون لاسلیک شو.
دغه تړون د کرنې وزارت د ځمکو چارو لوی رییس محمود مظلوم او د ټرانسپورټ او هوایي چلند وزارت د کابل د سړکونو عمومي رییس مولوی جنت ګل ترمنځ د ځمکو د تنظيم او وېش رییس مولوي سید محمد سعید او د ټرانسپورت وزارت د پلانګذارۍ د تحقیق او تطبیق رییس ډاکټر رستم حفیظیار په شتون کې لاسلیک شو.
د کرنې، اوبولګولو او مالدارۍ وزارت د ځمکو چارو لوی ریاست چارواکي وایي، چې د عالیقدر امیرالمؤمنین حفظه الله د ۱/۱۲/۱۴۴۵ نېټې د (۵۸۷۹) ګنې فرمان له مخې د کابل ولايت د پغمان په ولسوالۍ کې د اکټرونیکي دروازو او ټرانسپورټي ترمینلونو جوړولو په موخه د ۹۱۴ جریبه ځمکې د لېږد تړون د ټرانسپورټ او هوایي چلند وزارت سره لاسلیک شوی دی.
دکرنې وزارت د ځمکو چارو ریاست د چارواکو په خبره ددې تړون له مخې د کابل ولایت د پغمان په ولسوالی کې د الکټرونیکي دروازو او ټرانسپورټي ترمینلونو جوړولو په پار ۹۱۴ جریبه ځمکه د ټرانسپورټ او هوایي چلند وزارت ته لېږدول کېږي.