دهلمند مرکز لښکرګاه بولان طبیعي ځنګل کې سلګونه نیالګي کښېنول شول
دهلمند ولایت د کرنې، اوبولګولو اومالداری ریاست لخوا، د طبیعي سرچینو آمریت د پلان سره سم، د بولان طبیعي ځنګل په تخریب شویو او وچو ځمکو کې د نیالګیو کیښنولو په دوام دا ځلې په لسګونه جریبه تخریب شوې ځمکه کې سلګونه نیالګي کیښنول شول.
د بولان د طبیعي ځنګل هغه سیمې، چې د بېلابېلو عواملو له امله یې ونې وچې او یا هم له منځه تللي دي د رغولو ترڅنګ پکې هرکال نوي نیالګي اېښودل کېږي.
په همدې موخه د هلمند ولایت د کرنې ریاست د پلان سره سم به د ځنګل ټولو هغو سیمو ته رسېده وشي، چې رغونې، د نیالګیو ایښودنې او د اوبو لګولو سیستم جوړولو ته اړتیا لري.
