خوست کې یوشمېر بزګران وروزل شول
٢۱ لړم ۱۴۰۲ه.ش
٢۸ ربیعالثاني ۱۴۴۵ ه.ق
د خوست دکرنې، اوبولګولو او مالدارۍ ریاست د «اې.ډي.اې» مؤسسې په همکارۍ ددې ولایت د اسمعیل خېلو او مندوزیو ولسوالی اړوند د نادر کلي ۴۳ بزګران روزلي دي.
د چارواکو په خبره دغه بزګران دکرنې په بېلابېلو برخو کې د شپږو ورځو په لړ کې روزل شوي دي.
ددې پروګرام موخه د بزګرانو د پوهې کچه لوړول، میکانیزه کرکیلې ته زمینه برابرول او په ټوله کې دکرنې پراختیا او پرمختګ په لور ګام اخیستل دي.
