خوست کې پر ۴۰۱ بزګرانو د سبو تخمونه ووېشل شول
۲۹ چنګاښ ۱۴۰۲ه.ش
۳ مُحَرَّمُ الحَرام ۱۴۴۵ه.ق
د خوست ولایت د کرنې، اوبولګولواو مالدارۍ ریاست په هلو ځلو د افغانستان لپاره د ناروې کمېټې په مالي ملاتړ ددې ولایت د قلندر ولسوالی پر ۴۰۱ مستحقو او اړمنو بزګرانو د کورنیو باغچو اړوند د سبو تخمونه ووېشل شول.
په وېشل شویو تخمونو کې د سبو تخمونه لکه د کدو، رومی بانجانو،ګ لپی، شلغم، تورو بانجانو، بنډۍ او کرمو تخمونه شامل دي.
له ویشل شویو مرستو څخه موخه د اړمنو بزګرانو لاس نیوۍ او په دې ولایت کې دکورنیو باغچو دودول او ترڅنګ یې د سبو حاصلاتو زیاتوالی دی.
