خوست کې لسګونه شنې خونې جوړېږي
۹ تله ۱۴۰۳ه.ش
۲۷ رَبِیعُ الْأَوَّل ۱۴۴۶ه.ق
د خوست دکرنې، اوبولګولو او مالدارۍ ریاست چارواکي وایي، د ملګرو ملتونو د خوړو او کرنې ادارې په مالي او د «او،آر،ډي» مؤسسې په تخنیکي همکارۍ په دې ولایت کې د موسمي سبو د کرکیلي دودولو او د بزګرانو د ملاتړ په پار ۹۰ شنې خونې جوړېږي.
د خوست دکرنې ریاست چارواکي وایي، چې دغه شنې خونې د خوست ولایت په مرکز او د قلندر او سوسی خېل ولسوالیو کې جوړېږي، چې د دغو شنوخونو جوړولو په پار پر ۳۰ بزګرانو د شنوخونو ۴۱ توکي وېشل شوي دي.
دغه شنې خونې په ټولو موسمونو کې سابه او ترکاریو ته دخوست د خلکو د لاس رسي، د موسمي تولیداتو زیاتوالی او په بازارونو کې د کرنیزو حاصلاتو د ډېرښت په پار په دې ولایت کې جوړېږي.
