خوست کې د چرګانو روزنې سکټور د ودې او پراختیا په پار هڅې
۱۲ تله ۱۴۰۲ه.ش
١۹ ربیعالاول ۱۴۴۵ه.ق
د خوست دکرنې، اوبولګولو او مالدارۍ ریاست وایي، چې په دې ولایت کې یې د چرګانو روزنې سکټور د ودې او پراختیا په پار هلې ځېلې پیل کړي، چې په ترڅ کې یې د خصوصي سکټور په همکارۍ په دې ولایت کې د چرګوړو د تولید فارم جوړولو چارې پیل کړي دي.
د چرګوړو دا تولیدي فارم د خصوصي سکټور په همکارۍ جوړېږي، چې په یوه میاشت کې د ۳۲ زره چرګوړو د تولید وړتیا لري.
د چارواکو په خبره ددې فارم په جوړېدو سره به لسګونو کسانو ته د کارزمینه هم برابره او ترڅنګ یې ددې ولایت د چرګانو فارم لرونکو یوشمېر ستونزې به هم هوارې شي.
