بغلان کې د مېوو څېړنیزو بڼونو په پار قوریه جوړېږي
١١ لیندۍ ۱۴۰۲ه.ش
١٩جُمَادَى الأول ۱۴۴۵ ه.ق
د بغلان دکرنې، اوبولګولو او مالدارۍ ریاست چارواکي وایي، چې په دې ولایت کې د مېوو څېړنیزو بڼونو د جوړولو په پار د قوریې جوړولو چارې پیل کړي دي.
د بغلان دکرنې ریاست د چارواکو په خبره، په پام کې ده چې په دې ولایت کې د مڼو، املوکو، شفتالو، آلو، زردآلو، ګیلاس او بادامو بڼونه جوړ شي.
دغه قوریه چې ددې ولايت د پوزه ايشان څېړنيز فارم کې جوړېږي، موخه يې جوړېدونکو بڼونو ته د نیالګیو برابرول او پر ونو او نیالګیو څېړنې دي.
