بدخشان کې د اوبولګولو دوه کانالونه ګټې اخیستنې ته وسپارل شول

۲۶ وږی ۱۳۹۹
د کرنې، اوبولګولو او مالدارۍ وزارت د امو سیند پنځمې حوزوې پروژې «PARBSP»له لارې د بدخشان په ولایت کې د اوبولګولو د دوو فرعي کانالونو رغنیزې چارې بشپړ او ګټې اخیستنې ته یې سپارلي دي.
د «ملنگ‌آب» او«سخا» کانالونه د بدخشان ولایت په بهارک ولسوالۍ کې شتون لري، چې نږدې ۳۶۰ هکټاره کرنیزې ځمکې خړوبوي. د دغو کانالونو رغنیزې چارې تېر کال د امو سیند پنځمې حوزوې سکټوري پروژې له خوا پیل شوې ؤ، چې تر یوه کال وروسته یې چارې بشپړ او ګټې اخیستنې ته وسپارل شول.
د دغو کانالونو په رغېدو سره ددې ولسوالۍ د بزګرانو ترمنځ د اوبو پر سر شخړې هوارې شوي دي او دغه راز د دوی کروندو ته په سمه توګه اوبه رسیږي.
د یادو کانالونو ټولیز اوږدوالی ۴.۹ کیلومتر دي. یاد کانالونه نږدې یوزر او ۸۰۰ کورنۍ په مستقیمه توګه تر پوښښ لاندې راولي. ددغو دوو کانالونو رغول دیادو کانالونو د تر پوښښ لاندې بزګرانو ستونزې په پراخه کچه هوارې کړي دي. ددغو کانالونو د رغولو لګښت نږدې ۷.۲ میلیونه افغانۍ ده، چې د اسیایي پراختیایي بانک له خوا ورکړل شوې ده.