اروزګان کې د بېلابېلو مېوو قوریې جوړې شوي دي
۱۷ غویی ۱۴۰۲ه.ش
۱۷ شَوّال المُکَرَّم ۱۴۴۴ ه.ق
د اروزګان دکرنې، اوبولګولو او مالدارۍ ریاست وایي، چې ددې ریاست اړوندو قوریو کې د بېلابېلو مېوه لرونکو ونو نیالګي روزل کېږي.
د اروزګان دکرنې ریاست د طبعیي سرچینو آمر مولوی عبدالمنان فاروقي او د قوریه جاتو مدیر فدامحمد کامران د اروزګان مرکز ترینکوټ کې دهغو قوريه جاتو څخه لېدنه وکړه ، چې د را تلونکي کال لپاره به اېښولو ته چمتو شي.
د لېدني پرمهال نوموړو دقوریه جاتو مسؤلینو ته د نیالګیو، مېوه لرونکو او غير مېوه لرونکو او زینتي نيالګيو د روزنې په اړه لازمي لارښوونې هم وکړې.
همدارنګه یې د قوريو د نقشې، اوبولګولو سيسټم، د اېښودلو وخت، د اوبولګولو وخت، پوجې وخت، د نیالګیو د کنټرولول، د نیالګیو د ورايټي مطابق د هغوی د کتار، د نیالګیو ترمنځ د فاصلې مراعت کول په اړه هم یادونه وکړه.
همدارنګه د کمپوسټ جوړول، قوريه ته ورکول، د حيوانې سرې د وخت، تور کود، سپينې سرې د ورکولو ترتیب باندې خبرې وشوې.
