«د افغانستان-پاکستان د ترانزیت او سوداګرۍ هوکړه‌لیک د همغږۍ کمېټې» اتمه غونډه اسلام‌آباد کې په لاره واچول شوه

mail-admin
سه‌شنبه ۱۳۹۹/۱۰/۹ - ۱۴:۳۷
جلسه هشتم «کمیته‌ی هم‌آهنگی موافقت‌نامه‌ی ترانزیت و تجارت افغانستان-پاکستان» در اسلام‌آباد برگزار شد

۹ مرغومې ۱۳۹۹
د افغانستان-پاکستان د ترانزیت او سوداګرۍ هوکړه‌لیک د همغږۍ کمېټې د غونډو په دوام، د ۱۳۹۹یم کال د مرغومې اتمه د دوشنبې په ورځ د «اپتیکا» اتم تخنیکي غونډه، د پاکستان اسلامي جمهوریت د لومړي وزیر ستر اقتصادي سلاکارۍ او ددې هېواد د سوداګرۍ وزارت په کوربه توب د افغانستان د پلاو په شتون کې، په لاره واچول شوه.
غونډه د افغانستان د سوداګرۍ او صنایعو وزیر او د پاکستان د لومړي وزیر اقتصادي ستر سلاکار له خوا پیل شوه. وروسته د دواړو هېوادونو پلاوي تخنیکي خبرې اترې پیل کړې، چې د افغانستان له خواو د پلاوي مشري د کرنې، اوبولګولو او مالدارۍ وزارت د اوبولګولو او طبیعي سرچینو مرستیال ښاغلی حشمت الله غفوري پر غاړه وه. ښاغلی غفوري د «اپتا» هوکړه‌لیک پر جزیاتو خبرې وکړې. وروسته پر یاد هوکړه لیک چې په ۲۰۱۰ام کال کې د دواړو هېوادونو ترمنځ لاسلیک شوې وه او ټاکل شوې، چې د ۲۰۲۱ام زېږدیز کال د فبروري په میاشت کې پای ته ورسیږي هر اړخیزې خبرې اترې پیل شوې.
حشمت الله غفوري، چې د افغانستان د پلاوي مشري پر غاړه لري، په خپلو خبرو کې ددې سند پر اهمیت خبرې وکړې او یادونه یې وکړه، هغو ستونزو او تجربو ته په کتو چې د «اپتا» (دافغانستان-پاکستان د ترانزیت او سوداګرۍ هوکړه لیک) د هوکړه‌لیک په لړ کې مو د تېرو لسو کالو په ترڅه کې حس کړي دي، د «اپتا» د نوي هوکړه‌لیک محتویات به له هراړخیزو خبرو اترو او له یو بل سره په ګډه تفاهم چمتو کوو ترڅو د دواړو هېوادونو د خصوصي سکټور ستونزې هوارې شي.
د اجنډا پر اساس، د «اپتیکا» غونډې تر دوو نورو ورځو هم غځیږي او ټاکل شوې، چې د غونډو په پای کې د دواړو خواوو پلاوي د «اپتا» د راتلونکې سند پر محتویاتو، د «اپتیکا» د نهم پړاو غونډې د جوړولو پر څرنګوالي او پر جانبي هوکړه لیکونو او پروټوکولونو یوې پایلې ته ورسیږي.
د یادونې وړ ده، چې د افغانستان له خوا د پلاوي په اډانه کې د سوداګرۍ او صنایعو وزارت سربېره، د کرنې، اوبولګولو او مالدارۍ وزارت، د مالیې وزارت، د بهرنیو چارو وزارت، د رېل پټلۍ ادارې، د حرکت ادارې، د سوداګرۍ او پانګونې خونې او د افغانستان د اسلامي جمهوریت د ټرانسپورت وزارت با صلاحیته استازي ګډون لري.

تازه ترین اخبار

دوشنبه ۱۴۰۴/۷/۱۴ - ۱۴:۲۹
Background image

پنجشېر کې د لوبیا حاصلات زیات شوي 

۱۴ تله ۱۴۰۴ هـ.ش
۱۳ رَبِیعُ الْثاني ۱۴۴۷ هـ.ق
د پنجشېر د کرنې، اوبو لګولو او مالدارۍ ریاست اعلان کړی، چې په روان کال کې د دې ولایت د لوبیا حاصلات د تېر کال په پرتله پنځه سلنه زیات شوي. . .

دوشنبه ۱۴۰۴/۷/۱۴ - ۱۱:۲۳
Background image

میدان وردګو کې د ګیلاسو حاصلات ډېر شوي 

۱۴ تله ۱۴۰۴ هـ.ش
۱۳ رَبِیعُ الْثاني ۱۴۴۷ هـ.ق
د میدان وردګو د کرنې، اوبو لګولو او مالدارۍ ریاست ویلي، چې په روان کال کې له دې ولایت څخه له ۲۰۴۰ متریک ټنه زیات دګیلاسو حاصلات ترلاسه شوي. . .

دوشنبه ۱۴۰۴/۷/۱۴ - ۱۱:۱۱
Background image

د وچکالۍ پر وړاندې د اسلامي امارت عملي ګامونه؛ روزګان کې د درې میلیونه افغانیو په ارزښت د چک ډېم چارې پیل شوې

۱۴ تله ۱۴۰۴ هـ.ش
۱۳ رَبِیعُ الْثاني ۱۴۴۷ هـ.ق
د کرنې، اوبولګولو او مالدارۍ وزارت د ځانګړې بودیجې په لګښت د روزګان ولایت د ترینکوټ اړوند د ناقیل په سیمه کې د اوبو د مهار او د وچکالۍ د. . .

بازگشت