دکابل والي ددې ولایت د غصب مخنیوی کمېټې غړو ته: د مسوولیت احساس کارونه چټګوی
۱۷ غبرګولی ۱۴۰۲ه.ش
۱۸ ذو القعدة ۱۴۴۴ ه.ق
دکابل د غصب مخنیوی او غصب شویو ځمکو د بېرته راګرځولو کمېټې غړو د کابل والي شیخ محمدقاسم خالد سره په کتنه کې پر بېلابېلو موضوعاتو خبرې اترې وکړې.
دغه غونډه، چې دکابل ولایت مقام کې دائره شوې وه د کابل ولایت دغصب مخنیوی او غصب شویو ځمکو د بېرته راګرځولو کمېټې غړو خپل کاري راپورونه او د چارو د پرمختګ په پار لازم وړاندیزونه له کابل والي سره شریک کړل.
په همدې حال کې د کابل والي شیخ محمدقاسم خالد د یادې کمېټې د کاري راپور او وړاندیزونو تر اورېدو وروسته د دوی فعالیتونه وستایل او ډاډ یې ورکړ، چې په وړاندې شویو وړاندیزونو به یې غور وکړي.
ښاغلی خالد همدارنګه د یادې کمېټې غړو ته په خطاب کې وویل؛ چې د مسؤلیت احساس کول به کارونه لا چټک کړي او موږ او تاسو باید د خپلو کارونو د لا چټکتیا لپاره خپل مسولیت وپېژنو.
