ننګرهار کې ۳۷۴۰ تنو مالدارانو سره د څارویو دمتراکمو خوراکي توکو مرسته وشوه

د ننګرهار کرنې،  مالدارۍ ریاست سره په همغږۍ د ننګرهار په څلورو ولسوالېو کې ۳ زره او ۷۴۰  تنو مالدارانو ته د څارویو د خوراکې توکو مرسته د ملګرو ملتونو د کرنې او خوړو اداري یا FAO په مالي لګښت او د action Aid په تخنیکي همکارۍ د څارویو خوراکه ورکړل شوه.  
د ننګرهار کرنې،  مالدارۍ،  عشر او زکات رئیس مولوي صاحب عبدالستار محمد وویل د ملګرو ملتونو د کرنې او خوړو اداري له لورې د ننګرهار په اچین ،  نازیان ،   رودات او سره رود ولسوالېو کې ۳   زره او ۷۴۰ تنو مالدارانو ته۷۴۸ ټنه  د څارویو خوراکي توکي د  اقتصادي پیاوړتیا، حېواني محصولاتو زیاتوالې او د مالدارانو د کورنيو خوړو خوندیتوب په موخه ورکړل شوه.  
د کرنې رئیس په وینا ددي پروګرام سروي پخوا د Action Aid له لورې ترسره شوي وه،  او په هر ولسوالۍ کې ۹ سوه او ۳۵ تنه هغه مالداران چې د طبعي پېښو او کرونا له لورې ځپل شوي وه ورکړل شوه.
د ملګرو ملتونو د کرنې او خوړو  اداري دختیځ زون مسول انجینر خوشحال اصفي وایې  FAO نه یواځي په یادو څلورو ولسوالېو بلکي په ځینو نورو ولسوالېو کې هم د څارویو خوراکه ویشلئ وه.
چې هر مالدار ته ۲۰۰ کیلو د څارویو خوراکه ورکړل شوي اصفي په راتلونکي کې د کرنې او مالدارۍ په مختلفو برخو کې د همکارۍ ډاډ ورکړ.