لغمان کې د دوو سربندونو او کانالونو رغنیزې چارې پیل شوې
۱۷ زمری ۱۴۰۰
دلغمان دکرنې، اوبولګولو او مالدارۍ ریاست په افغانستان کې د کډوالو د نړیوالې ادارې IOM او د کډوالو فرعي سندیزې حوزې په همکارۍ په دې ولایت کې د اوبولګولو د دوو سربندونو او کانالونو رغنیزې چارې پیل کړې.
د لغمان دکرنې رییس محمد جمیل خوشحال وایي، چې ددغو سربندونو او کانالونو د جوړولو ټولیز لګښت ۳۷۰ زره امریکایي ډالرو ته رسېږي، چې په رغولو سره یې د ګڼ شمېر بزګرانو د کروندو د اوبو ستونزې به هوارې او د اوبو د ضایعاتو مخه به ورسره ونیول شي.
له دغو پروژو څخه سلګونه نارینه او ښځینه کروندګر او مالداران برخمن کېږي، او د یاد ولایت د کرنیز سکټور د پیاوړتیا لامل کېږي.
دغه راز په ورته وخت کې د لغمان په ولایت کې په افغانستان کې د کډوالو د نړیوالې ادارې IOM او د کډوالو فرعي سندیزې حوزې په همکارۍ د سبو راټولولو دوه مرکزونه هم ګټې اخیستنې ته وسپارل شول.
د سبو راټولولو یازد مرکزونه د ۱۲۰ زره امریکایي ډالرو په ارزښت روغول شوې ده، چې موخه یې د لغمان ولایت د بزګرانو سبو پېر-پلور ته زمینه برابرول دي.
