ننګرهار کې نږدې سل بېوزله مېرمنو ته مېږې او وزې ورکړل شوې

mail-admin
یکشنبه ۱۴۰۰/۴/۱۳ - ۱۵:۳۷
ننګرهار کې نږدې سل بېوزله مېرمنو ته مېږې او وزې ورکړل شوې

۱۳ چنګاښ ۱۴۰۰
د ننګرهار د کرنې، اوبولګولو او مالدارۍ ریاست چارواکي وایې، چې د«ډاکار» موسسې په همکارۍ ددې ولایت د کامې، کوزکونړ، او دره نور ولسوالیو کې، په هغو ۹۹ بېوزله مېرمنو چې د کورنۍ مسوولیت ور تر غاړې دي، د یومیلیون او ۸۳۳ زره افغانیو په لګښت ۱۹۸ راسه وزې او مېږي وېشلي دي.
د ننګرهار د کرنې، اوبولګولو او مالدارۍ رییس انجنیر انعام الله صافي وویل، چې پدې کورنیو څارویو کې ٩٦ راسه وزې او ١٠٢ راسه میږې شاملي دي، چي هرې بېوزلې مېرمنې ته دوه راسه څاروي د هغوې په خوښه چې د سروې په وخت کې یې غوښتنه کړې وه ورکړل شوي دي. په دغو څارویو کې،د وزو بیټل، جمونه پري او چېلۍ ډولونه او د مېږو عربي نسلونه شامل دي، چې د نسل د ښه تولید ترڅنګ په کافي اندازه شیدې هم ورکوې.
له دې پروژې څخه برخمن شوي کسان، د کرنې وزارت هلې ځلې وستایل او له اړمنو کورنیو او مالدارانو سره د کرنې ریاست له مرستو څخه مننه وکړه. دوی وویل، چې د کرنې وزارت د دوی د اقتصادي ودې د غوړېدا په پار پایښت لرونکي مرستې کوي.
ددې پروژې د پلي کولو موخه په دې ولایت کې د مالدارۍ سکټور ته پراختیا ورکول او د بېوزلو کورنیو اقتصادي ملاتړ دی.
باید وویل شي، چې د کرنې وزارت د بېوزله مېرمنو د ملاتړ او ښځو ته د کرنې او مالدارۍ په برخه کې د کار زمینې برابرولو په پار ډېر شمېر پروژې پلي کړي دي، چې ورسره د بېوزله مېرمنو اقتصادي غوړېدا ته زمینه برابره شوې ده.

تازه ترین اخبار

یکشنبه ۱۴۰۴/۵/۱۲ - ۱۱:۵
Background image

دکندهار دکرنې ریاست  د ۳.۷ ټنه ناقانونه پوتاشیم کاربونیټ سرې د پلور مخه ونیوله

۱۲ زمری ۱۴۰۴ هـ.ش
۹ صَفَر المُظَفَّر ۱۴۴۷ هـ.ق
د کندهار د کرنې، اوبو لګولو او مالدارۍ ریاست تر رهبرۍ لاندې، د کرنیزو چارو آمریت د معلوماتو له مخې په کندهار کې د ۳.۷ ټنه ناقانونه پوتاشیم. . .

یکشنبه ۱۴۰۴/۵/۱۲ - ۱۰:۴۸
Background image

د بلخ دکرنې ریاست: بلخ ولسوالی کې د څارويو لپاره د چيچک واکسين تطبيق پيلېږي

۱۲ زمری ۱۴۰۴ هـ.ش
۹ صَفَر المُظَفَّر ۱۴۴۷ هـ.ق
د بلخ دکرنې، اوبولګولو او مالدارۍ ریاست چارواکي وايي، چې د اکټېډ دفتر په همکارۍ به د بلخ ولسوالی په کچه د څارويو د روغتیايي وضعیت د ښه. . .

شنبه ۱۴۰۴/۵/۱۱ - ۱۵:۱۹
Background image

د خوست جوار سل څېړنیز فارم کې پر بېلابېلو بوټو څېړنې روانې دي

۱۱ زمری ۱۴۰۴ هـ.ش
۸ صَفَر المُظَفَّر ۱۴۴۷ هـ.ق
د خوست دکرنې، اوبولګولو او مالدارۍ ریاست چارواکي وايي، چې ددې ولایت دکرنې ریاست اړوندو فارمونو کې پر بېلابېلو بوټو څېړنې روانې دي، ترڅو. . .

بازگشت