د ننګرهار د کرنې ریاست د ترویج کارکوونکي د برېښنایي ترویج او کرنیزې ټکنالوژۍ په برخه کې وروزل شول

naim.rezai
چهارشنبه ۱۴۰۰/۳/۱۲ - ۱۶:۱۸
د ننګرهار د کرنې ریاست د ترویج کارکوونکي د برېښنایي ترویج او کرنیزې ټکنالوژۍ په برخه کې وروزل شول

۱۳ غبرګولی ۱۴۰۰
د ننګرهار دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې «FAO» په همکارۍ ددې ریاست د ترویج ۲۴ کارکوونکو ته د برېښنایي ترویج او کرنیزې ټکنالوژۍ په برخه کې پنځه ورځنۍ روزنیز پروګرام پای ته ورسېد.
د ننګرهار د کرنې رییس انجنیر انعام الله صافی وایي، چې دغه روزنیز پروګرام د کرنې برېښنایي کېدو، د ارتباطي او معلوماتي ټکنالوژیو یا «ICT» توکو څخه په اغېزناکه توګه ګټه اخیستنه او په ټوله کې د کارکوونکو د مهارتونو او وړتیا لوړولو په برخه کې غوره ګام دی.
صافی ددې روزنیز پروګرام  له ګډون کوونکو څخه وغوښتل، چې له دې وروسته پخپلو ورځنیو رسمي کړنو کې له تکنالوژۍ څخه کار واخلي او دبزګرانو سره پدې برخه کې کار وکړي.
په دې پنځه ورځنۍ روزنیز پروګرام کې ارتباطي اومعلوماتي تکنالوژۍ یا ICT ، په کرنه کې د ارتباطي تکنالوژۍ د توکو د کارولو لارې چارې،  دمعلوماتو دمدیریت سیستم MIS ، ټولنیزو شبکو څخه په کرنه کې ګټه اخیستنه، په کرنه کې د برېښنایي ترویج، راډیو او تلویزون موثریت، د کرنې عصري سیستمونو لارې چارې، عمودې کرنه، د کرنې وزارت د برېښنایي ترویجي کمپلیکس معرفي کول ، برېښنایي کتابتون، د بزګرانو د اړیکې مرکز  ١٥٠ شمېره، GIS ، GPS ، ٢٣٤  معلوماتي شمېره، سټلایټ، د تخنیکي معلوماتو په پار معتبر ویب سایټونه، کرنیزې ویډیوګانې او نور ګڼ موضوعات ګډونوالو ته تشریح شول .

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت