د لبنياتو صنعت د پراختيا پر طرحه خبرې وشوې

content_admin
شنبه ۱۴۰۰/۲/۱۸ - ۱۴:۲۷
د لبنياتو صنعت د پراختيا پر طرحه خبرې وشوې

۱۸غويی ۱۴۰۰
دکرنې، اوبولګولو او مالدارۍ وزير ډاکټر انوارالحق احدي، مرستيالان او دتخنيکي برخې يوشمېر رييسانو او  سلاکارانو په حضور کې د لبنياتو صنعت د پراختيا پر طرحه خبرې وشوې.
د اوبولګولو او طبيعي سرچينو مرستيال حشمت الله غفوري دکرنې وزير سره ددې طرحې د جزيياتو په شريکولو سره وويل، چې د لبنياتو صنعت د پراختيا طرحه مخکې د عالي اقتصادي شورا له خوا تاييد شوې ده.
ښاغلی غفوري وويل، چې د شېدې ټولولو مرکزونو زياتوالي ته زمينه برابرول، د لبنياتو د پروسس فابريکې جوړول او د لبنياتو ځنځيري ارزښت تقويت په دې طرحه کې شامل دي.
هغه وويل، چې افغانستان د کال درې ميليون مټريک ټنه لبنياتو ته اړتيا لري، او د لبنياتو د توليد په برخه کې ځان بسياينې ته د رسېدو په پار بايد د خصوصي سکټور ملاتړ او په ګډه ورسره کار ووشي. ښاغلی غفوري وويل، چې په افغاتستان کې د توليد کچه اوسمهال دوه ميليون او سل زره مټريک ټنو ته رسېږي.
دغه راز په غونډه کې د کرنې او مالدارۍ مرستيال شېرشاه اميري وويل، چې د شېدې ټولولو او لبنياتو د پروسس مرکزونه ډېرشوي دي خو دا مرکزونه بسنه نه کوي. ښاغلی اميري وويل، چې د لبنياتو د توليد په برخه کې ځان بسياينې ته د رسېدو په پار د لبني موادو دتوليد زياتوالي ترڅنګ د کرنيزو فارمونو پر جوړولو او دغه راز د نظارتي سيسټمونو پر پياوړتيا بايد تمرکز وشي.
په همدې حال کې دکرنې، اوبولګولو او مالدارۍ وزير ډاکټر انوارالحق احدي په دې غونډه کې وويل، چې د لبنياتو په توليد کې ځان بسياينې ته رسېدل د هغه له مهمو کاري لومړيتوبوتو څخه دي.
ښاغلی احدي زياته کړه، چې د لبنياتو توليد په برخه کې ځان بسياينې ته رسېدل کولی شي،  چې د هېواد د مالدارانو او اقتصاد په تقويت کې له سترو لاسته راوړنو څخه وي.
دکرنې وزير وويل، چې دلبنياتو توليد په برخه کې ځان بسياينې ته د رسېدو د څرنګوالي په پار مطالعات ترسره شوي دي او طرحې هم شتون لري خو دا طرحې باید منظم او د پايلو پر اساس باید عملي شي.

تازه ترین اخبار

دوشنبه ۱۴۰۴/۷/۱۴ - ۱۴:۲۹
Background image

پنجشېر کې د لوبیا حاصلات زیات شوي 

۱۴ تله ۱۴۰۴ هـ.ش
۱۳ رَبِیعُ الْثاني ۱۴۴۷ هـ.ق
د پنجشېر د کرنې، اوبو لګولو او مالدارۍ ریاست اعلان کړی، چې په روان کال کې د دې ولایت د لوبیا حاصلات د تېر کال په پرتله پنځه سلنه زیات شوي. . .

دوشنبه ۱۴۰۴/۷/۱۴ - ۱۱:۲۳
Background image

میدان وردګو کې د ګیلاسو حاصلات ډېر شوي 

۱۴ تله ۱۴۰۴ هـ.ش
۱۳ رَبِیعُ الْثاني ۱۴۴۷ هـ.ق
د میدان وردګو د کرنې، اوبو لګولو او مالدارۍ ریاست ویلي، چې په روان کال کې له دې ولایت څخه له ۲۰۴۰ متریک ټنه زیات دګیلاسو حاصلات ترلاسه شوي. . .

دوشنبه ۱۴۰۴/۷/۱۴ - ۱۱:۱۱
Background image

د وچکالۍ پر وړاندې د اسلامي امارت عملي ګامونه؛ روزګان کې د درې میلیونه افغانیو په ارزښت د چک ډېم چارې پیل شوې

۱۴ تله ۱۴۰۴ هـ.ش
۱۳ رَبِیعُ الْثاني ۱۴۴۷ هـ.ق
د کرنې، اوبولګولو او مالدارۍ وزارت د ځانګړې بودیجې په لګښت د روزګان ولایت د ترینکوټ اړوند د ناقیل په سیمه کې د اوبو د مهار او د وچکالۍ د. . .

بازگشت