لغمان کې د نیالګیو اېښودو په پسرلني کمپین کې لسګونه جریبه بڼونه جوړېږي

mail-admin
شنبه ۱۳۹۹/۱۲/۹ - ۱۱:۳۱
لغمان کې د نیالګیو اېښودو په پسرلني کمپین کې لسګونه جریبه بڼونه جوړېږي

۹ کب ۱۳۹۹
د لغمان د کرنې، اوبولګولو او مالدارۍ ریاست د کرنې وزارت د بڼوالۍ ځنځیري ارزښت دودې سکټوري پروژې (HVCDSP) په همکارۍ په دې ولایت کې د نیالګیو اېښودو پسرلني کمپین پیل کړی دی، چې په ترڅ کې به یې د چهارمغزو، بادامو او خرماوو بڼونو ترڅنګ د سټروسو لسګونه جریبه بڼونه هم جوړېږي.
ددې کمپین په پیل غونډه کې د لغمان مرستیال والي پوهنوال خواجه محمد عصامي، د بڼوالۍ ځنځیري ارزښت د ودې سکټوري پروژې رییس فرید رائد او د لغمان دکرنې رییس محمدجمیل خوشحال او ددې ولایت یوشمېر نور سیمه ییزو چاراکو او مشران ګډون درولود.
د لغمان مرستیال والي پوهنوال خواجه محمد عصامي د کرنې وزارت څخه مننه وکړه، چې په دې ولایت کې یې د کرنې، بڼوالۍ او مالدارۍ په بېلابېلو برخو کې اغېزناکې چارې تر سره کړي د ي.
ښاغلی عصامي وویل، چې په دې ولایت کې د بڼ جوړونې او بزګرانو او بڼوالو لپاره د لا ښه چوپړتیاوو وړاندې کولو په پار دې لا زیاتې پاملرنه ووشي.
په ورته وخت کې د لغمان د کرنې رییس محمد جمیل خوشحال وویل، چې ددې کمپین په ترڅ کې به د کرنې وزارت د بڼوالۍ ځنځیري ارزښت د ودې سکټوري پروژې (HVCDSP) له خوا د چاپېریال پاکوالي او اقتصادي پراختیا په موخه راتلونکی کال د چهارمغزو او بادامو بڼونه هم جوړېږي.
دغه راز د کرنې وزارت د بڼوالۍ ځنځیري ارزښت د ودې سکټوري پروژې (HVCDSP) مشر فرید رائد په خپلو خبرو کې وویل، چې راتلونکی کال به د یادې پروژې له خوا په دې ولایت کې د سټروسو د ۵۰ جریبه بڼونو ترڅنګ د خرماوو بڼونه هم جوړ شي، چې د دې ولایت ولسونه ته اقتصادي او نورې زیاتې ګټې لري.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت