د کندهار په بولدک کې ۴۰ خاورین چکډمونه ګټې اخیستنې ته وسپارل شول

mail-admin
سه‌شنبه ۱۳۹۹/۱۲/۵ - ۱۴:۲۶
د کندهار په بولدک کې ۴۰ خاورین چکډمونه ګټې اخیستنې ته وسپارل شول

۵ کب ۱۳۹۹
د کندهار د کرنې، اوبولګولو او مالدارۍ ریاست وایي، چې د طبیعي سرچینو د څړځایونو د تنظیم پروژې په اډانه کې ددې ولایت د بولدک په ولسوالۍ کې د ځایي مالدارانو او کوچیانو د اوبو د ستونزې هوارولو او د مالدارۍ د ودې په پار د ۴۰ منځنۍ چکډمونو رغنیزې چارې بشپړ او ګټې اخیستنې ته وسپارل شول.
دغه پروژه، چې د کرنې وزارت د طبیعي سرچینو د لوی ریاست له خوا پلي شوي دي، د کندهار د بولدک ولسوالۍ د ځایي مالدارانو او کوچیانو د مالدارۍ د ودې په پار په کې، د مالدارانو څارویو لپاره ۴۰ خاورین منځنۍ چګډمونه جوړ شوي دي.
د کندهار د کرنې، اوبولګولو او مالدارۍ رییس سید حفیظ الله سیدي وایي، چې ددې پروژې پلي کول په دې سیمه کې د مالدارۍ د ودې ترڅنګ د مالدارانو د عوایدو د زیاتوالي لامل هم کېږي.
د ښاغلي سیدي په خبره یاد چکډمونه به وکولای شي، چې د ځمکې لاندې اوبه تقویه کړي، چې په پایله کې به یې کاریزونو او څاګانو کې اوبو ډېر او د خاورې د تخریب او سېلابونو مخه به ډب کړي او ترڅنګ یې د باران اوبه زېرمه، د خاورې د تخریب مخنیوي او وحشي ژویو ته به یوه پناګاه رامنځته کړي.
په ورته وخت کې له دغو پروژو څخه د بولدک ولسوالۍ برخمن شوي کوچیان او ځايي مالداران د کرنې وزارت څخه مننه وکړه، چې د مالدارانو او بزګرانو ژوند او تولیداتو ته ډېره پاملرنه او له مالدارانو او  بزګرانو سره په بېلابېلو برخو کې مرستې کوي. هغوی وویل، چې د کرنې وزارت مرستې او همکارۍ ددې لامل کیږي، چې د بزګرانو اقتصاد وده وکړي او تولیدات یې زیات شي.
د کندهار د کرنې، اوبولګولو او مالدارۍ رییس سید حفیظ الله سیدي وویل، چې  ددې ولسوالۍ د کرنې او مالدارۍ د ودې په موخه تر دې وړاندې هم یوشمېر پروژې پلي شوي دي، چې ورسره د یادې ولسوالۍ د بزګرانو او مالدارانو یوشمېر ستونزې هوارې شوي دي. ښاغلی سیدي وویل، چې په نږدې راتلونکې کې به په دې ولسوالۍ کې یوشمېر نورې پروژې هم پلي شي، چې د نویو پروژو په پلي کېدو سره به ددې ولسوالۍ د بزګرانو او مالدارانو یوشمېر نور شته ستونزې هم هوارې او د دوی اقتصاد به ور سره وده وکړي.

تازه ترین اخبار

دوشنبه ۱۴۰۴/۶/۳ - ۱۱:۵۷
Background image

د کرنې او مالدارۍ مرستیال په افغانستان کې د ترکیې د همکارۍ او همغږۍ ادارې له رییس سره وکتل

۳  وږی ۱۴۰۴ هـ.ش
۱ رَبِیعُ الْأَوَّل ۱۴۴۷ هـ.ق
د کرنې، اوبولګولو او مالدارۍ وزارت د کرنې او مالدارۍ مرستیال مولوي صدراعظم عثماني، په افغانستان کې د ترکیې د همکارۍ او همغږۍ ادارې «ټیکا». . .

دوشنبه ۱۴۰۴/۶/۳ - ۱۱:۳۳
Background image

دهلمند موسا کلا کې د اوبو یو کوچنی بند جوړ او ګټې اخیستنې ته وسپارل شو

۳  وږی ۱۴۰۴ هـ.ش
۱ رَبِیعُ الْأَوَّل ۱۴۴۷ هـ.ق
دهلمند ولایت د کرنې، اوبولګولو او مالدارۍ ریاست له خوا د موساکلا ولسوالی د ځايي خلکو په غوښتنه، د باراني او سیلابي اوبو د مهارولو په موخه. . .

یکشنبه ۱۴۰۴/۶/۲ - ۱۲:۵
Background image

د کرنې وزارت د رئیسانو د همغږۍ د سمینار دویمه ورځ پیل شو

۲  وږی ۱۴۰۴ هـ.ش
۳۰ صَفَر المُظَفَّر ۱۴۴۷ هـ.ق 
د کرنې، اوبولګولو او مالدارۍ وزارت د مرکزي او ولایتي رئیسانو د همغږۍ د سمینار دویمه ورځ د کرنې وزارت د کرنې او مالدارۍ مرستیال مولوي. . .

بازگشت