د کرنې او مالدارۍ معینیت تر چتر لاندې رییسانو سره د کرنې وزیر ناسته؛ پر موخو، لاسته راوړنو او راتلونکو برنامو خبرې اترې

۲۵ لیندۍ ۱۳۹۹
د کرنې، اوبولګولو او مالدارۍ وزیر ډاکټر انوارالحق احدي، د کرنې او مالدارۍ معینیت تر چتر لاندې ریاستونو له رییسانو سره مالوماتي غونډه وکړه.
په دې مالوماتي غونډه کې، د څېړنو لوی رییس او ددې ریاست ترچتر لاندې بنسټونو، د ترویج لوی رییس او ددې ریاست تر چتر لاندې بنسټونو، د مالدارۍ، بوټې ساتنې، د بذري تخمونو د تصدیق، کوپراټیفونو، کورني اقتصاد او بدیل معیشت رییسانو ګډون درلود او خبرې وکړې.
یادو رییسانو په دې غونډه کې د خپلو موخو، لاسته راوړنو او راتلونکو برنامو په هکله د کرنې وزیرته مالومات وړاندې کړل.
ددې غونډې په پای کې، د کرنې وزیر ډاکټر انوارالحق احدي، راتلونکې کې د کارونو د لاښه پرمختګ لپاره دغو رییسانوته خپل لارښوونیزې سلا مشورې وړاندې کړه.