لغمان کې ۲۵۰ بېوزله مېرمنو ته د کار زمینه برابره شوه

content_admin
سه‌شنبه ۱۳۹۹/۸/۶ - ۱۴:۵۵
لغمان کې ۲۵۰ بېوزله مېرمنو ته د کار زمینه برابره شوه

۶ لړم ۱۳۹۹
د لغمان د کرنې، اوبولګولو او مالدارۍ ریاست ددې ولایت ۲۵۰ بېوزله مېرمنو ته په کورنیو باغچو کې د سبو د کرکېلي په برخه کې د کار زمینه برابره کړه.
دغه کاري فرصتونه مېرمنو ته د کورنیو باغچو د جوړولو له لارې برابرې شوي دي.
دلغمان د کرنې، اوبولګولو او مالدارۍ ریاست وایي، چې پر یادو مېرمنو د کورنیو باغچو د جوړولو اړوند توکي وېشل شوي دي، ترڅو دوی په خپلو کورونو کې په کار بوختې شي او د خپلې کورنۍ اړتیاوې ورڅخه پوره کړي.
کومې مېرمنې چې اوس په دې ولایت کې د کورنیو باغچو په برخه کې د فعالیت زمینه ورته برابرې شوي دي، تر دې وړاندې په کورونو کې اوزګار ناست ول.
دغه پروګرام د لغمان کرنې ریاست له خوا د خوړو نړیوال پروګرام«WFP»په مالي او د «ACTED» موسسې په تخنیکي همکارۍ په لاره اچول شوې، چې تر ډېره بې وسه، ناداره او اړمنې کورنۍ پکي په پام کې نیول شوي دي.
د لغمان دکرنې، اوبولګولو او مالدارۍ ریاست په دې ولایت کې مېرمنو ته د کارموندنې په موخه د نورو فعالیتونو ترڅنګ د کورنیو بڼګیو او نوي بڼونو د جوړولو په برخه کې هم کار کوي. ددغو پروژو د پلي کولو موخه په دې ولایت کې، د کورنیو باغچو وده او پراختیا او د بېوزلو کورنیو اقتصادي ملاتړ دی.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت