۲ تله ۱۳۹۹

د کرنې، اوبولګولو او مالدارۍ وزارت سرپرست او نوماند وزیر ډاکټر انوارالحق احدي د خپل کار په دفتر کې د ترکیې جمهوریت دهمکاریو د همغږی اژانس (تیکا) له همغږی کوونکی زهوتو چال سره وکتل.

په دې لیدنه کې ښاغلی احدي د ترکیې جمهوریت دهمکاریو د همغږی اژانس، همغږی کوونکی ته ښه راغلاست وویل، او یادونه یې وکړه، چې د ترکیې جمهوریت له افغانانو سره په هره برخه کې همکار ده او دې ته په کتو چې ترکیه د کرنې په برخه کې مخکښ دی، موږ غواړو د خپل هېواد د کرنې د پرمختګ په برخه کې ددې هېواد له تجربو څخه ګټه پورت کړو.

دغه راز په کابل کې د «تیکا» همغږی کوونکی ښاغلی زهوتو چال، ډاکټر انوارالحق احدي ته د هغه د نوي دندې د مبارکۍ ترڅنګ، د کرنې په برخه کې د هر ډول همکاریو ژمنه وکړه.