لغمان کې د نیالګیو کېنولو کمپاین پیل شو
۲۱ کب ۱۳۹۸
د کب شلمه، د نیالګیو کېنولوملي ورځې وه، په همدې موخه په لغمان ولایت کې هم غونډه جوړه شوې وه او یاده ورځ یې د نیالګیو په کېنولو ولمانځله. د لغمان د کرنې ریاست وایي، چې په دې ورځ یې ۲۰ زره د بېرې نیالګي په وړیا توګه پر خلکو وېشلي او ۱۸ زره مثمر اوغیر مثمر نیالګي یې هم کېنولي دي. دغه راز د سلطان غازي تفریحي پارک کې د «استقلال څېلۍ» هم ګټې اخیستنې ته سپارل شوې ده. ددې ترڅنګ په دې ولایت کې د نیالګیو کېنولو کمپاین هم پیل شوی دی، چې په ترڅ کې به یې زرګونه مثمر او غیر مثمر نیالګي کېنول شي.
باید وویل شي، چې د کب شلمه د نیالګیو کېنولو ملي ورځ وه، چې په ټول هېواد کې د نیالګیو په کېنولو سره ولمانځل شوه.
