د ننګرهار لعلپورې ولسوالی کې ٣٠٠ کورنیو سره د هګیو چرګانو مرسته وشوه
۲۲ سلواغه ۱۴۰۴ه.ش
۲۳ شَعبان المُعَظّم ۱۴۴۷ه.ق
د ننګرهار دکرنې، اوبو لګولو او مالدارۍ ریاست په هڅو د «اکشناېډ» مؤسسې په تخنیکي او د ملګرو ملتونو د کرنې او خوړو ادارې «افاېاو» په مالي لګښت په لعلپورې ولسوالی کې ٣٠٠ بېوزله کورنیو سره دهګیو چرګانو مرسته وشوه.
د ننګرهار د کرنې، اوبو لګولو او مالدارۍ رییس مولوي عبدالستار اخندزاده وویل، چې په لعلپورې ولسوالۍ کې ۳۰۰ کورنیو ته د کور لومړنیو اړتیاوو پوره کولو او اقتصادي پیاوړتیا په موخه دهګیو چرګان، متراکمه خوراکه، ددانې او اوبو لوښې ورکړل شوي.
ښاغلي اخندزاده زیاته کړه، چې ددې مرستې په ترڅ کې هرې کورنۍ ته ۳۰ قطعې د هګیو چرګان، ١٠٠ کیلو ګرامه متراکمه خوراکه، دوه دانې او دوه داوبو لوښې هم ورکړل شوې.
دغه راز یادو کورنیو ته د چرګانو روزنې، پالني، ناروغیو کنټرول او نورو اړونده برخو کې روزنه هم ورکړل شوې ده.
