ننګرهار کې بزګرانو ته د ناروغیو مخنیوي اوبڼونو ښه مدیریت په موخه روزنه ورکړل شوه
۱۹ سلواغه ۱۴۰۴ه.ش
۲۰ شَعبان المُعَظّم ۱۴۴۷ه.ق
د ننګرهار د کرنې، اوبو لګولو او مالدارۍ ریاست اړوند د کوټ،غني خېل، نازیان، ګوشته او هسکه مېنه ولسوالېو ترویج مدیریت کارکوونکو په مختلفو کلیو کې بڼوالو او بزګرانو ته په بڼونو کې دناروغیو مخنیوي لارو چارو اود بڼونو ښه مدیریت په بېلا بېلو برخو کې روزنې وکړل شوي.
یادو بزګرانو ته دمنظم اوبو لګولو، سرې استعمال، ښاخه برۍ، هرزه وښو کنټرول، نرمکارۍ، لایم سلفر، کورني درملو جوړولو، ژمني تېلو استعمال،ځنګلي بوټو او د ناروغیو په وخت کې د کیمیاوي درملو د استعمال سپارښتنې ورته وشوي.
همدارنګه د مېوو د ضایعاتو مخنیوي،دمیوي منظم راشکولو، درجه بندۍ، بازارموندنې او نورو اړونده برخو کې هم معلومات ورکړل شو، ترڅو بزګران مو پر ځان بسیا او اقتصادی اړخه پیاوړي شي.
