کندز کې د خوړو د خوندیتوب د پیاوړتیا په موخه ۸۰ بېوزله کورنیو ته د خوراکي توکو وېش
۲۷ لیندۍ ۱۴۰۴ هـ.ش
۲۷ جُمَادَى الثاني ۱۴۴۷ هـ.ق
د خوړو د خوندیتوب د پیاوړتیا او د بې وزله او زیانمنو کورنیو د ملاتړ په موخه، د «دست به دست» دفتر له خوا د کندز ولایت د کرنې، اوبو لګولو او مالدارۍ ریاست سره په همغږۍ، د دې ولایت په مرکز کې ۸۰ اړمنو کورنیو ته خوراکي توکي ووېشل شول.
د وېش دغه بهیر د «دست به دست» دفتر د استازو او د کندز ولایت د کرنې او اقتصاد ریاستونو د کارکوونکو په حضور کې ترسره شو، چې هرې کورنۍ ته د خوراکي توکو بسته ورکړل شوه، تر څو د خوړو ناامني راکمه، د اړمنو کورنیو د ژوند شرایط ښه او اړینو خوراکي توکو ته د هغوی لاسرسی زیات شي.
په پای کې، له مرستو برخمنو کورنیو د دغو مرستو له امله مننه وکړه او د دوامدار خوړو د خوندیتوب د تامین په موخه یې د ورته ملاتړیزو پروګرامونو د دوام غوښتنه وکړه.
