نهرسراج کې پر ۱۱۰ مخکښو بزګرانو اړین توکي ووېشل شوې
۱۷ مرغومي ۱۳۹۸
د هلمند د کرنې، اوبولګولو او مالدارۍ ریاست د مرسي کور بدیل معیشت پروګرام په همکارۍ ددې ولایت په نهرسراج ولسوالۍ کې د نباتي ناروغیو او افتونو د وقایې په پار ۱۱۰ بزګرانو ته د روزنیزې برنامې ترڅنګ پر دوی د اړینو توکو کڅوړې هم وېشلي دي.
د هلمند ولایت د کرنې، اوبولګولو او مالدارۍ ریاست وایي، چې په روزنیز پروګرام کې د نهرسراج ولسوالۍ ۱۱۰ مخکښو بزګرانو ته د فني کارکوونکو له خوا د نباتي ناروغیو او افتونو د وقایې هر اړخیزي لارې چارې په عملي او نظري ډول ښودل شوي دي.
د هلمند دکرنې رییس زلمي الکو وویل: «د مرسي کور بدیل معشیت پروګرام له لارې د نهرسراج ولسوالۍ ۱۱۰ تنو مخکښو بزګرانو ته دسبو د ناروغیو او افتونو هر اړخیز کنټرول اړونده اړین کڅوړې وېشل شوي دي.»
د هلمند دکرنې ریاست وایي دوی هلې ځلې کوي، چې بزګران د کیمیاوي درملو د استفادې پر زیانونو وپوهوي او ددغو خطرونو د مخنیوي په پآر د افتونو او ناروغیو مخه په میخانیکي لارو چارو ونیسي ترڅو له صحي او اقتصادي پلوه ګټور تمام شي.
