د کرنې، اوبو لګولو او مالدارۍ وزیر د خواخوږۍ پیغام

اِنّا لِلّهِ وَ اِنّا اِلَیهِ راجِعون
په ډېرې خواشینۍ او ژور خپګان سره مې د کرنې، اوبولګولو او مالدارۍ وزارت د مالي او اداري مرستیال الحاج ملا آغا جان آخند «حاجي سالم» د مړینې خبر ترلاسه کړ. مرحوم یو غوره مجاهد او له رښتینو، هڅاندو او د هېواد خدمتګارو څېرو څخه و، چې د سپېڅلي جهاد په دوره کې یې ستر خدمات ترسره کړل او همدارنګه د کرنې، اوبو لګولو او مالدارۍ وزارت کې د خپلې دندې پر مهال یې د هېواد د کرنې او مالدارۍ سکتور ته ارزښتمن خدمتونه وړاندې وکړل.
زه د مرحوم درنې کورنۍ، دوستانو، همکارانو او خپلوانو ته خپله ژوره خواخوږي او تسلیت وړاندې کوم. له لوی خدای (ج) څخه د مرحوم لپاره د مغفرت او د پاتې شوو لپاره  جمیل صبر او ستر اجر غواړم.
الحاج مولوي عطاءالله عمري
د افغانستان اسلامي امارت د کرنې، اوبو لګولو او مالدارۍ وزیر