لوګر کې د اوبولګولو د یوې شبکې چارې بشپړ او ګتې اخیستنې ته وسپارل شوه
۱۲ مرغومي ۱۳۹۸
د کرنې، اوبولګولو اومالدارۍ وزارت د لوګر ولایت د پادخواب مزار په کلي کې ددې وزارت د خلکو په ګډون د کرنې او مالدارۍ برنامې په اډانه کې د اوبولګولو د یوې شبکې د رغولو چارې بشپړ او ګټې اخیستنې ته وسپارل.
د لوګر د کرنې ریاست چارواکي وایي، چې د رغول شوي شبکې ټولیز اوږدوالی ۶.۵ کیلو مترو ته رسیږي او ددې شبکې له لارې ۳۷۰ هکټاره ځمکه خړوبیږي او همدارنګه له دې شبکې څخه زرګونه کسان په نېغه او نانېغه ډول ګټه پورته کوي.
د اوبولګولو دغه شبکه په پاخه او اساسي ډول رغول شوي دي، چې د اوبو د تنظیم او وېش په برخه کې د یادو سیمو د بزګرانو ستونزې په اساسي توګه حل کړي دي.
ددې شبکې رغول ددې ترڅنګ، چې د اوبو د ضایعاتو مخه نیسي د شبکې تر پوښښ لاندې ځمکو د حاصلاتو د ډېر والي لامل هم کیږي.
