د ننګرهار وادي کرنیز امارتي شرکت د کرنیزو او تخنیکي چارو نوی رییس معرفي شو
انجنیر حکمت الله معروف د ننګرهار وادي کرنیز امارتي شرکت د کرنیزو او تخنیکي چارو د نوي رییس په توګه وټاکل شو اورسماً یې خپله دنده پیل کړه.
د معرفي مراسمو پر مهال، د ننګرهار ولایت د کارکوونکو چارو رییس مولوي عبدالله ساجد، د یاد شرکت اجراییوي رئیس سید محمد نعیم محمدي او ځینې نورو مسوولینو ګډون کړی و. د معرفت مکتوب مولوي عبدالله ساجد ولوست او نوموړی یې رسماً د یادې دندې لپاره معرفی کړ.
تر دې وړاندې، انجنیر محمد جمیل «خوشحال» د دې ریاست مشري کوله، چې د خپلو ښو کړنو په ویاړ ورته لونګۍ او ستاینلیک ورکړل شو.
