پکتیکا ولایت کې ۱۷۵ بزګرانو ته د مڼو نیالګي او کیمیاوي سره ووېشل شوه
د پکتیکا ولایت د خوشامند ولسوالۍ په کچه، د اکشن اېډ نړيوالې مؤسسې له لوري او د ملګرو ملتونو د نشهیي توکو پر وړاندې د مبارزې ادارې یو ان او ډي سي په مالي ملاتړ، ۱۷۵ بزګرانو ته د کرنیزو توکو مرسته ترسره شوه.
په دې لړۍ کې، هر بزګر ته ۷۲ د مڼو نیالګي، ۵۰ کیلوګرامه سپینه سره او ۲۵ کیلوګرامه توره سره ووېشل شوه.
د دې مرستو د وېش لړۍ د پکتیکا ولایت د کرنې، اوبولګولو او مالدارۍ ریاست د ترویج عمومي مدیر ارشاد احمد همکار او د پلان مدیر منیر عظیمي له لوري له نږدې وڅارل شوه، ترڅو دا مرسته په شفاف ډول تر اړمنو بزګرانو ورسېږي.
