پروان کې پر ۳۴۴ کورنیو څه باندې ۲۰ زره او ۶۰۰ د هګیو چرګان ووېشل شوې
۱۲ غبرګولی ۱۴۰۰
د پروان دکرنې، ابوولګولو او مالدارۍ ریاست د چرګانو پالنې د درېیم فاز په پرانیستې سره، د څه باندې ۱۳ میلیونه او ۸۰۰ زره افغانیو په ارزښت پر ۳۴۴ کورنیو د هګیو چرګان وېشلي دي.
د پروان دکرنې ریاست وایي، چې ددې پروژې په پرانیستې سره پر اړمنو کورنیو ۲۰ زره او ۶۴۰ د هګیو چرګان او د چرګانو پالنې اړونده توکي وېشل شوي دي.
د چرګانو پالنې د درېیم فصل او پر اړمنو کورنیو د هګیو چرګانو پرانیست غونډې ته د پروان والي فضل الدین عیار وویل: «دا پروژه د نړیوال بانک له خوا تمویلیږي، چې په مرکز کې ترې ۱۳۰ کورنۍ، د بګرام په ولسوالۍ کې ۱۳۵ کورنۍ او د جبل السراج په ولسوالۍ کې ترې ۷۹ کورنۍ برخمن شوي دي، او هرې کورنۍ ته ۶۰ د هګیو چرګان او د چرګانو پالنې اړونده توکي، دانې او واکسینونه د ۱۳ میلیونه او ۸۰۰زره افغانیو په ارزښت ورکړل شوي دي.
ښاغلی عیار وویل، چې ددغو چرګانو وېش د بېوزلو کورنیو اقتصادي ودې سره مرسته کوي.
