هرات کې د پیازو حاصلات ډېر شوي

content_admin
دوشنبه ۱۳۹۹/۱۰/۱ - ۱۵:۲۰
هرات کې د پیازو حاصلات ډېر شوي

۱مرغومې ۱۳۹۹
د هرات د کرنې ریاست وایي، چې بېلابېل لاملونه ددې ولایت د پیازو د حاصلاتو د زیاتوالي لامل شوي دي.
د هرات ولایت د کرنې ریاست د ترویج لوی مدیر حمیدالله ناصري وایي، چې د بزګرانو لېوالتیا او ترڅنګ یې ډېر اورښتونه ددې لامل شوي، چې د تېرکال په پرتله د پیازو سږني حاصلات د پیام وړ زیات شي.
د هغه په خبره، سږکال د پیازو له هر هکټار کروندې څخه په منځنۍ کچه ۴۰ ټنه پیاز تر لاسه شوي دي او د کروندو زیاتوالي ته په کتو د تېرکال په پرتله د حاصلاتو کچه هم ډېر زیات شوي دي.
د کرنې وزارت د احصایې او معلوماتو ریاست د شمېرو له مخې، په ۱۳۹۸یم کال کې د هرات ولایت په یوزر او ۴۷ هکټاره ځمکه کې پیاز کرل شوې وه، چې له یادو کروندو څخه ۳۴زره او ۷۳۰ مټریک ټنه پیاز ترلاسه شوه.
خو دهرات ولایت د کرنې، اوبولګولو او مالدراۍ ریاست وایي، چې د تېرکال په پرتله سږکال ددې ولایت د پیازو په حاصلاتو کې د پاو وړ زیاتوالی راغلی دی.
د هرات د کرنې ریاست په خبره، ددې ولایت په زنده جان، پشتون‌زرغون، غوریان، کرخ، گذرې اوانجیل ولسوالیو کې د پیازو کرکېله ډېر کیږي.
یاد ریاست وایي، چې د هرات ولایت ډېری پیاز د ننه په همدې ولایت کې کارول کیږي، او ډېر لږ یې ګاونډیو ولایتونو ته صادریږي.
دمګړۍ د هرات ولایت په بازار کې په منځنۍ کچه د هر کیلو پیازو بیه ۱۵ افغانۍ ده.
دا په داسې حال کې ده، چې د کرنې وزارت د کرنیزو محصولاتو مدیریت د پروژې له لارې د روان کال په ترڅ کې ددې ولایت بزګرانو لپاره د پیازو ۴۱۹ زېرمتونونه جوړ کړي دي. بزګرانو لپاره د یادو زېرمتونونو د جوړولو موخه، داده چې دوی وکولای شي ددغو زېرمتونونو له لارې خپل محصولات خوندي او د خوساکېدو مخه یې ونیسي. او دغه راز په مناسب وقت او مناسبه بیه یې خرڅ کړي.

تازه ترین اخبار

شنبه ۱۴۰۴/۵/۱۱ - ۱۲:۴۱
Background image

د ختیځ زون د اصلاح شوي تخمونو تولیدوونکو شرکتونو ستونزو حل په موخه د همغږۍ ناسته ترسره شوه

۱۱ زمری ۱۴۰۴ هـ.ش
۸ صَفَر المُظَفَّر ۱۴۴۷ هـ.ق
په ختیځ زون کې د اصلاح شوي تخمونو تولیدوونکو شرکتونو مسؤلینو د ننګرهار د کرنې رییس مولوي محمد ولي محسن سره خپلي ستونزې، غوښتني او. . .

شنبه ۱۴۰۴/۵/۱۱ - ۱۲:۰
Background image

د ننګرهار شیشم باغ څېړنیز فارم کې پر بېلابېلو بوټو څېړنې روانې دي

۱۱ زمری ۱۴۰۴ هـ.ش
۸ صَفَر المُظَفَّر ۱۴۴۷ هـ.ق
د ننګرهار دکرنې، اوبولګولو او مالدارۍ ریاست چارواکي وايي، چې ددې ولایت دکرنې ریاست اړوند شیشم باغ څېړنیز فارم کې پر بېلابېلو بوټو څېړنې. . .

پنجشنبه ۱۴۰۴/۵/۹ - ۱۱:۵۲
Background image

د خوست ولایت تڼیو ولسوالی کې د ځنګلونو ساتنې او خوړو خوندیتوب لپاره ۵۰ لمریز پخلنځي ووېشل شول

۹ زمری ۱۴۰۴ هـ.ش
۶ صَفَر المُظَفَّر ۱۴۴۷ هـ.ق
د خوست ولایت د کرنې، اوبولګولو او مالدارۍ ریاست د طبیعي سرچینو آمریت او د اړیکو دفتر په مالي همکارۍ، د تڼیو ولسوالی په کمکې ماڼې سیمه کې د. . .

بازگشت