ننګرهار کې کروندګرو ته روزنیز مرکز جوړېږي
۱۶ غویی ۱۴۰۰
دکرنې، اوبولګولو او مالدارۍ وزارت کروندګرو ته د اسانتیاوو برابرولو او دوی ته د کرکېلي د نویو لارو چارو ښودلو په پار غواړي، چې ددې وزارت د کرنې د ودې او کلیوالي پراختیا پروژې (CBARD) له لارې د ننګرهار په ولایت کې کروندګرو ته یو روزنیز مرکز جوړ کړي.
د کرنې، اوبولګولو او مالدارۍ وزارت د ۱۴۰۰م کال د پلان له مخې کروندګرو او د کرنې کارکونکو ته د کاري اسنتیاوو او کار پیدا کولو په موخه یو روزنیز مرکز د ننګرهار په ولایت کې جوړېږي تر څو له دې لارې کروندګر په بېلابېلو برخو کې لازمې روزنې تر لاسه کړي.
د کرنې وزارت هر کال په بېلابېلو ولایتونو کې کروندګرو ته په ګڼ شمېر روزنیز پراګرمونه په لاره اچوي تر څو له دې لارې د کرکېلي عصري لارې چارې دود کړي.
