ننګرهار کې پر څه باندې ۱۳ زره بزګرانو د غنمو د اصلاح شويو تخمونو د وېش لړۍ پیل شو
۱۹لړم ۱۳۹۹
دننګرهار دکرنې، اوبولګولو او مالدارۍ ریاست ددې ولایت پر بزګرانو د غنمو د اصلاح شویو تخمونو د وېش لړۍ پیل کړی دی.
په دې لړۍ، کې د ننګرهار ولایت دمرکز په ګډون دیاد ولايت په ٢٢ ولسوالیو پر ١٣زره او ۹۰ بزګرانو د غنمو ٦٥٢ مټریک ټنه اصلاح شوي تخمونه وېشل کیږي، چې د چتر لاندې سيمو د غنمو په حاصلاتو کې به د پام وړ زیاتوالي راشي.
د ننګرهار د کرنې، اوبولګولو او مالدارۍ ریس انعام الله صافی وایي، چې په دې لړۍ کې پر ١٣زره او ۹۰ بزګرانو د غنمو ۶۲۵ مټريک ټنه اصلاح شوي تخمونه چې، هر یوه بزګر ته ۵۰ کیلو ګرامه اصلاح شوي تخمونه وېشل کیږي، چې په پایله کې یې ددې ولایت په ٢٦زره او ۸۰ جریبه ځمکه کې به د غنمو اصلاح شوي تخمونه وکرل شي.
دغه تخمونه د سبسایډي په ډول ویشل کیږي، چې ۶۰ سلنه لګښت یې د کرنې وزارت او ۴۰ سلنه نور لګښت یې برخمن شوي بزګران پرې کوي.
سږکال دهېواد په کچه پر ۲۸۰ زره بزګرانو دغنمو ۱۴ زره اصلاح شوي تخمونه وېشل کيږي.
ويل کيږي، چې اصلاح شويو تخمونو وېش، د ترچتر لاندې سيمو دغنمو حاصلات له ۲۰تر۳۰سلنه زياتوي.
