ننګرهار کې د چرګانو پېر-پلور لوی مارکېټ پرانیستل شوه

mail-admin
دوشنبه ۱۳۹۹/۱۰/۸ - ۱۶:۴۶
ننګرهار کې د چرګانو پېر-پلور لوی مارکېټ پرانیستل شوه

۸ مرغومې ۱۳۹۹
د ننګرهار په ولایت کې د چرګانو د پېر-پلور یو لوی مارکېټ د ۱.۵ میلیونه ډالرو په رازښت جوړ او په فعالیت پیل کړی دی.
مشعل د ختیځ زون مارکېټ د ننګرهار د کرنې رییس، انعام الله صافی او ددې ولایت د چرګانو روزنې ټولنې استازو او یوشمېر نورو چارواکو په شتون کې پرانیستل شوه.
ننګرهار کرنی ، اوبولګولو اومالدارۍ رییس انعام الله صافی وویل، چې یاد مارکیت د چرګانو سکتور پیاوړتیا، انډولیزه پرمختیا، کاري فرصتونو برابرولو، صحي او باکیفیته غوښو ترلاسه کولو، بریډر فارمونو اونورو مهمو برخو کې مرسته کوي.
په همدې حال کې د ننګرهار د کرنې ریاست دمالدارۍ امر ډاکتر ضمیر بهسودي د چرګانو روزني میتودونو، د ښار څخه د کراچیو پرسر د چرګانو پلورلو مخنیوی، د مارکیټ د چرګانو څخه دوامداره څارنه او دعامه پوهاوی د پروګرامونو د پلي کېدو په برخه کې ددې مارکېټ ښې ګڼې وبللې .
د یاد مارکېټ مرستیال عبد الاحد وویل، چې دا مارکېټ په اته جریبه ځمکه کې د ۱.۵ میلیونه امریکایي ډالرو په ارزښت جوړه شوي ده چی 300 دوکانونه لري .
هغه زیاته کړه په یاد مارکېټ کې د دوکاندارانو لپاره د دانې ساتلو خوني (ګودام) ، درملتونونه ، د چرګانو دخوراک اوڅښاک توکي او دیو ورځنیو چرګوړو د ساتلو خوني په نظر کی نیول شوي دي .
همدارنګه یاد مارکېټ څخه به کابل، لغمان، کونړ،نورستان او د ننګرهار ولایت ۲۲ولسوالیو ته چرګان انتقالیږي، چی ددی سره به 2500 تنوته په مستقیم او زرګونو نورو ته په غیر مستقیم ډول د کار زمینه برابریږي.

تازه ترین اخبار

سه‌شنبه ۱۴۰۴/۵/۱۴ - ۱۵:۵۶
Background image

د کرنې وزیر د اسلامي همکاریو سازمان له مرستیال سره وکتل

۱۴ زمری ۱۴۰۴ هـ.ش
۱۱ صَفَر المُظَفَّر ۱۴۴۷ هـ.ق
د کرنې، اوبو لګولو او مالدارۍ وزیر مولوي عطاءالله عمري، د خپل کار په دفتر کې د اسلامي همکاریو سازمان له مرستیال خلیل ابراهیم اوکر سره. . .

سه‌شنبه ۱۴۰۴/۵/۱۴ - ۱۳:۳۸
Background image

پکتیا کې ۱۲۵ تنو مالدارانو  سره د مالدارۍ توکو مرسته وشوه

۱۴ زمری ۱۴۰۴ هـ.ش
۱۱ صَفَر المُظَفَّر ۱۴۴۷ هـ.ق
د پکتیا د کرنې، اوبو لګولو او مالدارۍ ریاست له خوا د اړیکو دفتر مؤسسې  په مرسته د دې ولایت د روحانی بابا ولسوالی کې پر ۱۲۵ تنو مالدارانو. . .

سه‌شنبه ۱۴۰۴/۵/۱۴ - ۱۳:۳۸
Background image

کندهار کې د ۷ ټنه بي کیفیته تورې کیمیاوي سرې د پلور مخه ونیول شوه

۱۴ زمری ۱۴۰۴ هـ.ش
۱۱ صَفَر المُظَفَّر ۱۴۴۷ هـ.ق
د کندهار د کرنې، اوبو لګولو او مالدارۍ ریاست د کرنیزو چارو آمریت د معلوماتو له مخې په کندهار کې د ۷ ټنه بي کیفیته تورې کیمیاوي (ډي.ای. پي. . .

بازگشت