ننګرهار کې د ممپلیو حاصلات لس سلنه زیاته شوې

mail-admin
دوشنبه ۱۳۹۹/۷/۲۸ - ۱۶:۲۵
حاصل ممپلی ننگرهار ۱۰ درصد افزایش یافته است


۲۹ تله ۱۳۹۹
دننګرهار د کرنې، اوبولګولو او مالدارۍ ریاست چارواکي وایي، چې په دې ولایت کې د ممپلیو « ځمکنی بادام » کروندې ډېرې شوي او ممپلیو کرکېلي ته د بزګرانو لېوالتیا هم زیاته شوې ده.
د ننګرهار د کرنې ریاست د چارواکو په خبره، تېر کال په ننګرهار کې ۲۰۰ هکټاره ځمکه کې ممپلي کرل شوې وه، چې حاصل یې ۴۲۰ مټریک ټنو ته ورسېد. د دوی په خبره سږکال د ننګرهار په ۳۵۰ هکټاره ځمکه ممپلي کرل شوې، چې د تېرکال په پرتله به یې په حاصلاتو کې لس سلنه زیاتوالی راشي.
د ننګرهار د کرنې ریاست وایي، چې د ننګرهار خاوره اوبه او هوا د ممپلیو کرکېلي، پالنې او روزنې ته مناسبه ده، په همدې موخه په دېولایت کې د ممپلیو کرکېله زیاته شوې ده.»
ممپلي، چې د کورني بازار تر څنګ په نړیواله کچه هم ښه بازار او مناسبه بیه لري په دې وروستیو کلونو کې په دې ولایت کې یې کرکېله مخ پر وده روانه ده. د ننګرهار د کرنې ریاست چارواکي وایي، ممپلیو ارزښت ته په کتو غواړي، چې په دې ولایت کې د ممپلیو کرکېله دود کړي، چې له یوې خوا د کوکنارو ښه بدیل دی او له بلې خوا د بزګرانو په اقتصادي وده کې هم رغنده رول لري.
په همدې موخه د ننګرهار د کرنې ریاست له خوا ددې ولایت د درېوو ولسوالیو ۹۰ هغو بزګرانو ته چې د ممپلیو کرکېله کوي، د ممپلیو، لمرګل، صنعتي او تیلې نباتاتو د اقتصادي او خوړنیز ارزښت، اوبخور، د پخېدو پړاوونو، حاصل ټولولو، معیاري زېرمه کولو او پروسس په برخه کې روزنیز پروګرام په لاره اچول شوې وه.
ځمکنی بادام یا ممپلي هغه خوندور مغزدي، چې ډېر زیات مینه وال لري. ممپلي نه يوازې خوندور خوراکي توکي دي، بلکه ډیرې نورې ګټې هم لري. د روغتیا پالانو په وینا ممپلي د سرطان په مخنیوي کې ګټور خواړه دي، همداراز د هډوکو ځواکمنولو لپاره غوره مېوه ده. ممپلي اعصاب پیاوړي کوي او حافظه ښه کوي، ممپلي د سږو لپاره خورا ګټور دي، په دې کې داسې طبیعي منرالونه شتون لري چې سږو ته قوت ورکوی.
دغه مغزي محصولات د نورو مغزي محصولاتو په پرتله په نړۍ کې یو په درېیمه برخه کرل کیږي.

​

ننګرهار کې د ممپلیو حاصلات لس سلنه زیاته شوې

​

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت