لغمان کې پر يوشمېر کوچيانو دڅارويو دخوراکي توکو دوېش لړۍ پيل شوی
۵ ليندۍ ۱۳۹۹
دلغمان دکرنې، اوبولګولو او مالدارۍ رياست د NCRO موسسې په همکارۍ دلغمان مرکز مهترلام او ددې ولايت په بادپښت او قرغيو ولسواليو کې پر دوه زره او ۱۰۰ کوچيانو دڅارويو دخوراکي توکو دوېش لړۍ پيل کړی دی.
دلغمان دکرنې رييس محمدجميل خوشحال وايې، چې له دې ډلې مهترلام کې پر ۸۰۰، قرغيو کې ۲۰۰ او بادپښت ولسوالۍ کې پر ۱۱۰۰ مالدارو کوچيانو دڅارويو خوراکي توکي وېشل کيږي.
دښاغلي خوشحال په خبره په دې لړۍ کې هر مالدارته ۱۰۰ کيلوګرام کانسټريټ خوراکي توکي په وړيا ډول وېشل کيږي.
ددغو مرستو موخه دمالدارو کوچيانو ملاتړ او دمالدارانو اقتصادي ودې ته زمينه برابرول دي.
