لغمان کې د څارويو خوراکي توکو د توليد دوه کار خونې فعال شوې
۲۶چنګاښ ۱۴۰۰
د لغمان دکرنې، اوبولګولو او مالدارۍ رياست د «کوچي کلپ» پروژې او «ډي سي ای»، موسسې په همکارۍ د څارويو خوراکي توکو د توليد دوه کارخونې فعال کړي دي.
دکرنې رياست وايي، چې د «ډي سي ای» موسسې د يادو کارخونو د فعالولو په پار دوه دانې ميلونه له دوه جنراټورونو سره او دغه راز ۱۴زره کيلو ګرامه جوار، څلور زره کيلو ګرامه کنجاړه، درې زره او څلور کيلو ګرامه سبوس، دوه زره کيلو ګرامه مشنګ، دهډوکو پوډر او درې کيلو مالګه د څارويو د خوراکي توکو د توليد په پار مرسته کړې ده. د يادو کارخونو د کارکوونکو تر روزنې وروسته به دا کارخونې ډېر ژر خپل فعاليت پيلوي.
