لغمان کې د طبیعي ځنګلونو د بیارغونې په پار هڅې
۲۷ لیندۍ ۱۳۹۹
د لغمان د کرنې، اوبولګولو او مالدارۍ ریاست ددې ولایت د طبیعي ځنګلونو د خوندي کولو او بیا رغولو په پار هلې ځلې کړندي کړي دي، په همدې موخه ددې ولایت د چهارمغزو ځنګلونو د بیارغونې په پار پر ۸۰ ځنګل لرونکو د چهارمغزو تخمونه وېشل شوي دي.
د لغمان د کرنې رییس محمدجمیل خوشحال وایي، چې ددې ولایت د ځنګلونو د بیارغونې او پراختیا په پار ددې ولایت پر ۸۰ ځنګل لرونکو د چهارمغزو تخمونه وېشلي دي، تر څو د له منځه تللو ځنګلونو په بیارغونې کې ترې ګته پورته شي.
ددې تخمونو د وېش موخه د ځنګلونو د بیارغونې او پراختیا ترڅنګ د ځنګل لرونکو اقتصادي پیاوړتیا ته زمینه برابرول دي.
