لغمان کې د تېلي نباتاتو ۳۰ ننداريزې کروندې جوړېږي

content_admin
سه‌شنبه ۱۴۰۰/۴/۱ - ۱۷:۶
لغمان کې د تېلي نباتاتو ۳۰ ننداريزې کروندې جوړېږي

۱چنګاښ ۱۴۰۰
د لغمان د کرنې، اوبولګولو او مالدارۍ ریاست په دې ولایت کې دتېلي نباتاتو د کرکېلي د پراختیا او د تولید زیاتوالي په پار د تېلي نباتاتو ۳۰ ننداریزې کروندې جوړوي. یاد ننداریزې کروندې، چې په کې لمرګل او کونځلې شامل دي د لغمان ولایت په بېلابېلو سیمو کې جوړېږي.
د لغمان د کرنې رييس محمدجمیل خوشحال وايي، چې د دغو ننداريزو کروندو د جوړولو په پار پر يوشمېر بزګرانو د يادو نباتاتو تخمونه او کيمياوي سرې وېشل شوي دي. د ښاغلي خوشحال په خبره په دې ولایت کې د لمرګل ۲۰ او د کونځلو ۱۰ ننداریزې کروندې جوړېږي، چې د جوړولو په پار یې هر بزګرته د لمرګل ننداریزو کروندو جوړولو په پار د لمرګل څلور کېلو اصلاح شوې تخم او ترڅنګ یې ۲۵ کیلو «ډي،ای، پي» او ۵۰ کیلو یوریا سره وکړل شوي دي او دغه راز د کونځلو ۱۰ ننداریزو کروندو جوړولو په پار هر بزګر ته د کونځلو درې کیلو اصلاح شوې تخم او ترڅنګ یې ۲۵ کیلو «ډي،ای، پي» او ۵۰ کیلو یوریا سره وکړل شوي دي.
د دغو ننداریزو کروندو د جوړولو موخه د صنعتي او تېلي نباتاتو دودول او دغه راز د نویو بوټو پېژندل دي، چې تر دې دمه بزګران د یادو نباتاتو له کرکېلي او تولید سره بلد نه دي.
د یادو ننداریزو کروندو په جوړولو سره، د برخمن شویو بزګرانو ترڅنګ نور بزګران هم کولی شي، چې د یادو بوټو د کرکېلي او روزنې لارې چارې زده کړي.
د لغمان د کرنې، اوبولګولو اومالدارۍ ریاست په پام کې لري، چې د منظمو ترویجې او تشویقي برنامو په لاره اچولو سره په دې ولایت کې د یادو ارزښت لرونکو نباتاتو د تولید او پروسس صنعت پیاوړي کړي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت