لغمان کې د اوبولګولو د لسو کانالونو د جوړولو تړونونه لاسلیک شول

naim.rezai
دوشنبه ۱۴۰۰/۳/۱۷ - ۴:۵۳
لغمان کې د اوبولګولو د لسو کانالونو د جوړولو تړونونه لاسلیک شول

۱۷ غبرګولی ۱۴۰۰
د کرنې، اوبولګولو او مالدارۍ وزارت اړوند دکرنې او خوړو خونديتوب بېړنۍ «EATS» پروژې له خوا د لغمان په ولایت کې د اوبولګولو د لسو کانالونو د جوړولو تړونونه لاسلیک شول.
د لغمان د کرنې، اوبولګولو او مالدارۍ رییس محمدجمیل خوشحال وایي،
چې د اوبولګولو یاد کانالونه، چې ټولیز لګښت یې ۴۵ میلیونه افغانیو ته رسېږي د پراختیا یي شوراګانو په همکارۍ د لغمان ولایت په مرکز مهترلام او قرغیو ولسوالۍ کې جوړېږي.
ښاغلی خوشحال وویل، چې ددغو کانالونو د جوړولو په ترڅ کې د سیمې یوشمېر اوسیدونکو ته د کاري زمینې برابرېدو ترڅنګ په بشپړېدو سره به یې سلګونه هکټاره ځمکه خړوبه شي.
په همدې حال کې په دې اړه جوړه شوې غونډه کې، دلغمان د ولايت مرستيالې برېښنا ساپۍ وويل: «دا د ټولو ګډ مسووليت دی، چې د وطن د آبادۍ لپاره په اخلاص کار وکړو ترڅو د ولسونو ستونزې راکمې شي.»
آغلې ساپۍ د قرارداد کوونکو شورا ګانو له مسوولينو څخه وغوښتل، چې د پروژو کيفيت او کميت ته ځانګړې پاملرنه وکړي.
یاد کانالونه په پاخه او اساسي ډول جوړېږي، چې د اوبو د تنظیم او وېش په برخه کې د یادو سیمو د بزګرانو ستونزې په اساسي توګه حل کړي.
د دغو کانالونو رغول ددې ترڅنګ، چې د اوبو د ضایعاتو مخه نیسي د کانالونو تر پوښښ لاندې ځمکو د حاصلاتو د ډېر والي لامل هم کېږي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت