لغمان کې۸۶ جریبه متراکم بڼوڼه کېنول شوې دي

mail-admin
سه‌شنبه ۱۴۰۰/۴/۸ - ۱۰:۲۱
لغمان کې۸۶ جریبه متراکم بڼوڼه کېنول شوې دي

۸ چنګاښ ۱۴۰۰
د کرنې، اوبولګولو او مالدارۍ وزارت اړوند د بڼوالۍ  ځنځیري ارزښت د ودې سکتوري پروژې (HVCDSP) په همکارۍ د لغمان ولايت مرکز مهترلام او ددې ولايت قرغيو ولسوالۍ کې د بڼوالۍ پراختيا او ودې په پار د ليمو او خوږو نارنجو ۸۶ متراکم بڼونه کېنول شوې دي.
دبڼوالۍ ځنځيري ارزښت د ودې سکټوري پروژې چارواکي وايي،  چې د لغمان مرکز مهترلام  او ددې ولایت قرغیو ولسوالۍ په بېلابېلو سيمو کې د لیمو او خوږو نارنجو ۸۶ جریبه متراکم بڼوڼه کېنول شوي دي. د چارواکو په خبره  یاد بڼوڼه۶۵ بزګرانو ته کېنول شوې او په ټولیزه توګه ۲۰۹ ښځینه او ۲۲۵ تنه نارینه ګټه ترې پورته کوي.
یاد بڼونه په مسلکي توګه د پروژې د کارکوونکو له خوا کېنول شوې او له دودیزو هغو سره خورا ډېر توپیرونه لري، د بېلګې په توګه؛ په دودیز ډول کېنول شوې بڼونه پنځه کاله وروسته حاصل ورکوي خو هغه بڼونه چې،  په مسلکي توګه کېنول کېږي دوه کاله وروسته حاصلات ورکوي او همدارنګه د دودیزو هغو په پرتله ۲۰ چنده زیات حاصلات ورکوي.
 د متراکمو بڼوڼو کېنول له یوې خوا د هوا د حرارت دکمښت په برخه کې موثر دي او له بلې خوا د چاپېریال ساتنې په برخه کې خورا رغنده رول لوبوي.
 د کرنې، اوبولګولو او مالدارۍ وزارت اړوند د بڼوالۍ ځنځیري ارزښت د ودې سکتوري پروژه (HVCDSP) یوه پراختیايي پروژه ده، چې د هېواد په یوولسو ولایتونو کې د متراکمو بڼونو، سړو خونو جوړولو، په قطره ای ډول د اوبو لګولو، تیشو کلچر لابراټوارنو او همدارنګه کرنیزو سوداګرو سره د بلاناغه مرستو په برخو کې کار کوي.
 ياده پروژه، چې د آسیايي پراختیايي بانک (ADB) له خوا تمویل او د کرنې، اوبولګولو او مالدارۍ وزارت لخوا پلي کېږي،  په ټوله کې دا پروژه د بڼوالۍ د ځنځیري ارزښت د زېربناوو او آسانتیاوو د ښه والي او همدارنګه د بڼوالي د محصولاتو د صادراتو د پراختیا لپاره ملي ظرفیت ته وده ورکوي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت